Ev kitêb nêzî 750 sal berê hatiye nivîsandin û kitêba ewil ya dîroka Kurdan e. Heke berî wê hin xebat hebin jî îro di dest me de tune ne. Nusxeya vê kitêbê ya orjînal li Stenbol di Kitêbxaneya Suleymaniyê de ye. Behsa heyama Dewleta Eyyûbiyan û Selahaddîn Eyyûbî dike. Ji sala 1175’an dest pê dike û sal bi sal behsa bûyera, şeqsa û behsa heyamê dike heya sala 1257’an.

Kitêba ku me çap kiriye 2 beş in, beşa Erebî ya kopîya orjînal û beşa wergera Kurdî. Ji ber ku kitêbê Erebî ji rastê dest pê dikin beşa orjînal ji dawiya kitêbê dest pê dike, beşa Kurdî jî di serê kitêbê de ye. Wergera wê ya Kurdî M. Emîn Narozî kiriye û pêşgotin jê re nivîsîye. Di serê wê de jî nivîsa Mehmet Bayrak ya ku behsa kitêbê dike heye. 

*

Ev jî bi hemû hawayî wek çapa taybet e, tenê berga wê ne bi cild e, berga normal e.